Миний Клубээс зохион байгуулсан зуны Сонгино дахь цэнэг усалгаанд давхардсан тоогоор 120 хүн оролцлоо. Тэнд хэдийгээр бороотой байсан хэдий ч эрч хүчээр дүүрэн залуус маань шантралгүй ажиллаж 24 га талбайд буюу 18000 модондоо 2 өдрийн турш цэнэг усалгааг амжилттай хийлээ. Эрч хүчээр дүүрэн байгааг 2 x 2 x 1,7 метрийн харьцаатай усан санг 30 минутын дотор л дуусгаж усан сангаа дүүргэх гэж нэлээн цаг алдаж, амралттай байлаа. Гэсэн хэдий ч бүх модондоо ус хүргэж чадсандаа баяртай байнаа.

Шинэ зүйл гэвэл 2 дахь өдөр нь бид нартай хамтран байгуулагдаад 7 хонож байгаа Андын санаа Клуб, УИХ-ын гишүүн Тэрбишдагва, хэд хэдэн бизнесийн хүмүүс усалгаанд оролцсон юм. Энэ усалгаанд оролцсон хүмүүсийн 70% нь анх удаа усалгаанд явж байгаа залуус байсан юм. Цаашдаа бид нартай хамтарч ажиллана гэж найдаж байна.

Ингээд усалгаанд оролцсон бүх хүндээ баярлалаа.

Мөн өөртөө байгаа хэд хэдэн зургаа хийлээ…

Read the rest of this entry »

Миний Клубын зуны туршид хийх ажлын төлөвлөгөөг гаргаж байнаа. Та бүхэн сонирхоод үзээрэй.

Эхний ээлжний цэнэг усалгаа 6-р сарын 6, 7-нд Сонгино руу байгаа.

Дараагийн цэнэг усалгаанууд нь Баяннуур руу 6-р сарын 27-28-нд, Сонгино руу 7-р сарын 18, 19-нд, 8-р сарын 15, 16-нд байна.

Удахгүй зуны сургалтын хуваарь гарна. Тэгэхээр нь энд засаад бичнээ. Бид нар зуны сургалтаар Түүх, Англи хэл, Компьютер, Байгаль орчны хичээл заана. Баяннуур болон Багануурын дунд сургуулийн хүүхдүүдэд.

Клубын наадмаа 7-р сарын 25-нд… Тэгээд бусад жижиг ажлууд гарч ирэх байх….

Ингээд та бүхэн идэвхитэй оролцоорой.

Сонгинод 5 сарын 16, 17-ы өдрүүдэд мод тарих ажлыг МинийКлуб, Ногоон Ази ТББ, Нийслэлийн хөдөлмөрийн газартай хамтран зохион байгуулсан билээ. Энд давхардсан тоогоор 95 хүн оролцож, бүгд нэг буюу хоёр өдрийнхөө ажлын хөлсийг цусны хүнд өвчтэй хүү Билгүүний эмчилгээний зардалд хандивлахаа зөвшөөрсөн юм. Бүгдэнд нь баярлалаа!

Ингээд бид өчигдөр НХГ-с авсан мөнгөө Хаан банкны хандивын данс руу нь шилжүүлж, харин өнөөдөр МинийКлубаас төлөөлөл болон зургаан гишүүн хүүгийн гэрт очиж, клубаас Билгүүнд бичсэн захидлыг, дурсгалын зүйлтэй гардууллаа. Үйл явдлыг НТВ телевиз сурвалжлав.

Чигчийн чинээ хүү

Билгүүн эмнэлгээс хэд хоног гарч гэртээ байгаа юм байна.

Билгүүн дүүтэйгээ

Дурсамж

Баярлалаа

Бид хэд Билгүүнтэй (Чингүүн зураг авав)

Билгүүн хүүд хэрхэн туслах вэ? гэж бодож байвал sainuils.mn рүү ороод үзээрэй.