Энэ зуны туршид “Миний Клуб” Сонгинод байрлалтай  “Инчоны Мөрөөдлийн ногоон ой” мод үрсүүлгийн талбайд төвлөрч ажиллана.  Саяны өнгөрсөн ням гарагт модондоо цэнэг усалгаа хийсэн бөгөөд удахгүй та бүхэндээ тайлагнанаа.
Доорхи төлөвлөгөөгөөр энэ зун усалгаа  хийх юм.

7 сард.
7-р сарын 18,19-нд. /26, 26-нд болгоё гэсэн санал гарч байна/

8-р сард.
8-р сарын 1, 2-нд,
8-р сарын 15, 16-нд тус, тус усалгаануудыг хий нэ.

Энэхүү усалгаануудад “Нийслэлийн хөдөлмөрийн газар”-тай гэрээ байгуулан цалинжуулж байгаа юм. Ажил хийвэл ам тосдоно шүү.

Та бүхэн энэхүү усалгаануудад идэвхитэй оролцоорой.

Сонгинод 5 сарын 16, 17-ы өдрүүдэд мод тарих ажлыг МинийКлуб, Ногоон Ази ТББ, Нийслэлийн хөдөлмөрийн газартай хамтран зохион байгуулсан билээ. Энд давхардсан тоогоор 95 хүн оролцож, бүгд нэг буюу хоёр өдрийнхөө ажлын хөлсийг цусны хүнд өвчтэй хүү Билгүүний эмчилгээний зардалд хандивлахаа зөвшөөрсөн юм. Бүгдэнд нь баярлалаа!

Ингээд бид өчигдөр НХГ-с авсан мөнгөө Хаан банкны хандивын данс руу нь шилжүүлж, харин өнөөдөр МинийКлубаас төлөөлөл болон зургаан гишүүн хүүгийн гэрт очиж, клубаас Билгүүнд бичсэн захидлыг, дурсгалын зүйлтэй гардууллаа. Үйл явдлыг НТВ телевиз сурвалжлав.

Чигчийн чинээ хүү

Билгүүн эмнэлгээс хэд хоног гарч гэртээ байгаа юм байна.

Билгүүн дүүтэйгээ

Дурсамж

Баярлалаа

Бид хэд Билгүүнтэй (Чингүүн зураг авав)

Билгүүн хүүд хэрхэн туслах вэ? гэж бодож байвал sainuils.mn рүү ороод үзээрэй.